Það var það sem ég hélt...

Miðvikudagur, 23. apríl 2008

já já

Er það bara ég eða er hundleiðinlegt að pakka!!

Síðasti leikur minn með skjern er í kvöld, bikarleikur á móti Kolding. Leikur sem að verður kærkomið að klára. Deildin kláraðist fyrir rúmri viku síðan en það þarf víst að spila þennan blessaða bikarleik sem er í rauninni fyrir næsta tímabil.

Fyrirkomulagið hér í dk er þannig að bikarkeppnin hefst í febrúar og klárast milli jóla og nýárs. Bikarinn er s.s spilaður á tveimur tímabilum sem er alveg fáránlegt. Mér gæti t.d. verið alveg skítsama hvort skjern sé í bikarkeppni á næsta ári og ekkert lagt í leikinn í dag en að sjálfsögðu mun ég leggja mig allan fram til þess að við vinnum þennan leik enda er Kolding með leiðinlegasta mann deildarinn í sínum herbúðum.

En síðasti leikur í kvöld og svo nýja austur Evrópa á föstudaginn, já ég sagði nýja austur Evrópa... á meðan krónan er svona veik er allt í einu orðið bara nokkuð ódýrt að lifa á íslandi allavega fyrir mig.... kannski er ódýrt ekki rétta orðið, við skulum segja ódýrara.

Ég ætla að fara í sund á íslandi... ef þið náið ekki í mig þá verð ég í sundi, sennilega í pottinum.

kv Vignir

Flokkur: Bloggar | Facebook